Oʻzbekistonda elektr va gaz tariflari oshirilishi kechiktiriladi

Shavkat Mirziyoyev hukumatga sanani koʻchirish boʻyicha topshiriq berdi.

Oʻzbekistonda gaz va elektr energiyasi uchun yangi tariflar 1-apreldan emas, balki 1-maydan kuchga kiradi, deya xabar bermoqda “Газета.uz” bosh vazir matbuot kotibi Bekzod Hidoyatovga tayanib.

Maʼlumotlarga koʻra, Vazirlar Mahkamasi tegishli qaror qabul qilgan. Shavkat Mirziyoyev aholi va tadbirkorlarni qoʻllab-quvvatlash maqsadida tariflar oshirilishini kechiktirish boʻyicha topshiriq berdi.

Davlatimiz rahbari aholi, iqtisodiyot tarmoqlari va tadbirkorlik subyektlarini yoqilgʻi-energetika resurslari bilan ishonchli taʼminlash boʻyicha topshiriqlar berdi.

NOVA24 YouTubeʼda. Obuna boʻling
Asosiy yangiliklar va qiziqarli videolar