«Капиталбанк» Uzum экотизимининг бир қисмига айланганини маълум қилди

Банк ўз брендини сақлаб қолади, банк ҳамкорлари ва мижозлари учун шартлар ўзгаришсиз қолади.

Капиталбанк» расман Узум экотизимининг аъзоси бўлгани ҳақида эълон қилди. Битим қиймати 786,89 млрд сўмни ташкил этди.

Шундай қилиб, Россиянинг «Телекоминвест» компанияси банк акциядорлари таркибидан чиқиб кетди ва 61,54 фоиз улуши билан Ўзбекистоннинг Finance TCI мажоритар акциядори бўлди. Ўз навбатида, Finance TCI Djuzum SPV компаниясининг шўба корхонаси бўлиб, республика учун Uzum экотизимини ривожлантиряпти.

«Uzum компаниялар гуруҳи Ўзбекистондаги 10 дан ортиқ тадбиркор ва инвесторларнинг тажрибаси ва активларини бирлаштирган қўшма лойиҳадир», — дейилади хабарда.

2022 йил ноябрь ойида «Капиталбанк» шўба корхонаси Apelsin рақамли банки Uzum экотизимига қўшилган ва ўз номини Узум Банк деб ўзгартирган эди. «Капиталбанк» маълумотларига кўра, мамлакатда ҳар ойда 1,5 млн киши ушбу хизматдан фойдаланади. «Uzum Bank р2р-ўтказмалари сони бўйича етакчи ўринни эгаллайди», — дейилади хабарда.

Экотизимнинг бошқа хизматлари билан интеграциялашув банкка янгиланган кешбеcк дастурини ишга тушириш имконини берди, шу жумладан, Uzum Marketʼдан Uzum Pay хизмати орқали буюртмаларни тўлашда қўшимча бонусларни ҳам.

2022 йил октябрида тез етказиб бериш билан Uzum Market маркетплейси ишга туширилди. Ҳозирда сайтдаги ассортимент 200 мингдан ортиқ ноёб маҳсулотларни ташкил этади ва етказиб бериш географияси 17 та аҳоли пункти ҳамда мамлакатнинг аксарият қисмини қамраб олади.

NOVA24 Instagramʼda. Obuna boʻling
Asosiy yangiliklar va qiziqarli videolar