«Ижтимоий ҳимоя ягона реестри»га кирганлар сотиб олганда ҚҚС қайтариладиган товарлар рўйхати кенгайди

«Ижтимоий ҳимоя ягона реестри»га киритилган жисмоний шахсларнинг харидлари учун ҚҚС қайтариб бериладиган товарлар рўйхатига ун, шакар, дори воситалари ва тиббий хизматлар ҳам киритилди.

Президент қарори билан «Ижтимоий ҳимоя ягона реестри»га киритилган жисмоний шахслар томонидан сотиб олинганда қўшилган қиймат солиғи суммаси қайтариб бериладиган товарлар рўйхати кенгайтирилди.

Ун, шакар, дори воситалари ва тиббий хизматлар ҳам эндиликда реестрга киритилган жисмоний шахслар томонидан сотиб олинганда ҚҚС суммаси қайтариб бериладиган товарлар сирасига кирди.

Бунда ҚҚС суммасини қайтариш ойига БҲМнинг 10 бараваригача (3 млн 400 минг сўмгача) бўлган харидлар суммаси доирасида амалга оширилиши белгиланган.

Эслатиб ўтамиз, реестрга киритилганларнинг харидлари учун ҚҚС қайтариб бериладиган товарлар рўйхатида бугунгача қўй, мол, парранда гўштлари, тухум ҳамда ўсимлик ёғи бор эди.

NOVA24 TikTokʼda. Obuna boʻling
Asosiy yangiliklar va qiziqarli videolar