Humo to‘lov tizimini xususiylashtirish boshlangani maʼlum qilindi

Davlat aktivlari agentligi Humo toʻlov tizimini xususiylashtirish boshlanganini eʼlon qildi.

Davlat aktivlarini boshqarish agentligi Milliy banklararo protsessing markazini (Humo) xususiylashtirish boshlanganini ma’lum qildi.

Davlat ulushining 100 foizi “muzokaralarga ommaviy ravishda taklif qilish” usuli asosida uch bosqichda sotiladi.

Maslahatchi Deloitte xalqaro kompaniyasi bo‘lib, aktivni baholash uchun “Katta to‘rtlik” guruhiga kiruvchi (Deloitte tashqari) xalqaro kompaniya jalb etiladi.

Qayd etilishicha, qiziqish bildirishnomalari 22-avgustgacha qabul qilinadi.

Maʼlumot uchun, kompaniyaning ustav kapitali 155,4 mlrd so‘m. Ayni paytda 27 milliondan ortiq Humo kartalari chiqarilgan bo‘lib, 210 mingdan ortiq terminal va 6,4 mingdan ortiq bankomatlar o‘rnatilgan.

NOVA24 TikTokʼda. Obuna boʻling
Asosiy yangiliklar va qiziqarli videolar