Bitkoin kursi rekord darajada oshib ketdi

Bitkoin kursi tarixda birinchi marta 80 ming dollardan oshdi.

10-noyabr kuni bitkoin kursi tarixda ilk bor 80 ming dollardan oshdi. Kriptovalyutaning qiymati 4,7 foizga oshib, rekord darajaga yetdi, deb yozdi Bloomberg.

Xabar yozilayotgan vaqtda bitkoin kursi 81 ming 109.41 dollarni tashkil etayotgandi. Bloomberg`ning ta’kidlashicha, bitkoin kursi Donald Trampning AQSh prezidentlik saylovidagi g‘alabasi fonida o‘sishda davom etmoqda.

Saylov kampaniyasi davomida Tramp AQShni “sayyoraning kripto poytaxtiga” aylantirishga va’da bergandi. Shuningdek, u bitkoinlarning milliy zaxirasini yaratishni taklif qilgan.

Umumiy hisobda AQSh prezidentlik saylovidan keyin bitkoin kursi salkam 13 ming dollarga yuqoriladi.

NOVA24 YouTubeʼda. Obuna boʻling
Asosiy yangiliklar va qiziqarli videolar