Бензин нархини асоссиз оширган заправкаларга чеклов қўйилди

Йўл қўйилган қонунбузилиш ҳолатларига органлар томонидан ҳуқуқий баҳо берилмоқда.

Ўзбекистонда бензин нархини асоссиз оширган 109 та заправка аниқланди. Уларга биржа савдоларида чеклов қўйилди.

Энергетика вазирлиги махсус ишчи гуруҳи томонидан тадбиркорлик субектларига тегишли 109 та хусусий АЁҚШларда бензин нархини асоссиз равишда ошириб сотиш, камомадга йўл қўйиш, сифатсиз маҳсулот тарқатиш ва кам қуйиш ҳолатлари аниқланди.

Уларга аниқланган камчиликларни бартараф этгунига қадар биржа савдолари орқали Аи-80 русумли бензин харид қилишга чекловлар ўрнатилди ва назоратга олинди. Йўл қўйилган қонунбузилиш ҳолатларига ҳуқуқни муҳофаза қилиш органлари томонидан ҳуқуқий баҳо берилмоқда.

NOVA24 Telegramʼda. Obuna boʻling
Tezkor xabarlar va asosiy voqealar