Алишер Қодиров аёлларнинг иш кунини қисқартиришни таклиф қилди

Депутат аёлларнинг иш кунини бир соат кеч бошлаб, бир соат эрта тугатиш таклифи билан чиқди.

Халқ таълими вазирлиги томонидан фарзанди МТТга бораётган буджет ташкилотида ишлайдиган аёлларнинг иш ҳақи камайтирилмаган ҳолда иш вақтини қисқартириш белгиланди.

Олий мажлис Қонунчилик палатаси депутати Алишер Қодиров муносабат билдирди. Унга кўра, боғчадан фарзандини вақтида олишига вазифаси халақит бераётган аёлларга иш вақтини қисқартириш жуда яхши, лекин бу масаланинг ярми ҳисобланади.

«Ишлайдиган, оилали аёллар учун эрталаб ишга бир соат кечроқ келиш ва иш вақтидан бир соат вақтлироқ кетишни расмийлаштириш керак. Аёл ходимнинг иш самарадорлиги сезиларли ошади, оилада муҳит ўзгаради.

Қолаверса, натижа кўп ишлаш эмас, самарали ишлашнинг ҳосили эканини ҳамма тан олмаса ҳам, жуда яхши билади», — дея фикр билдирган Алишер Қодиров.

NOVA24 Telegramʼda. Obuna boʻling
Tezkor xabarlar va asosiy voqealar