Zapravkalarda taqiqlangan AI-80 bor-yo‘qligi tekshirila boshlandi
Mutaxassislar yil boshidan beri millionlab litr sifatsiz yoqilg‘ini aniqladi.
O‘zbekistonda huquq-tartibot idoralari xodimlari neft mahsulotlari sifatini tekshirish uchun yoqilg‘i quyish shoxobchalari bo‘ylab reydlar o‘tkazishni boshladi, deb xabar bermoqda “O‘zenergoinspeksiya” matbuot xizmati.
Ma’lumotlarga ko‘ra, mutaxassislar AI-80 benzini ustidan nazorat tadbirlarini o‘tkazmoqda. Xususan, 2025-yil 26-noyabrdan 2-dekabrgacha o‘tkazilgan reydlar davomida mutaxassislar tomonidan 90 ta neftni qayta ishlash zavodida 191 ta namuna olingan. Tekshiruv natijalariga ko‘ra, 23 ta holatda sifatning davlat standarti talablariga nomuvofiqligi aniqlandi.
Shu tariqa mutaxassislar tomonidan 306 ming 430 litr sifatsiz mahsulot aniqlangan. Umuman olganda, yil boshidan buyon huquq-tartibot idoralari xodimlari tomonidan 632 ta obyekt o‘rganilib, ularning 210 tasida 8 576 466 litr sifatsiz neft mahsulotlari borligi aniqlangan. Mutaxassislar ularni sotishni to‘xtatdi, shuningdek, mahsulot sifatini tiklash bo‘yicha ko‘rsatmalar berdi.
Avvalroq Markaziy bank raisi Timur Ishmetov AI-80 markali benzin ishlab chiqarish va sotishning bekor qilinishi O‘zbekistondagi inflyatsiyaga ta’sir qilishini aytgandi. Mutaxassisning fikricha, vaziyat nafaqat joriy narxlarga, balki aholining kutishlariga ham ta’sir qiladi.
Izohlar