Yulduz Usmonova Samarqandda yetti tonna osh tarqatilishi fonida tirbandlikdan shikoyat qildi — video
Xonanda bunday tadbirlarni o‘tkazish o‘rniga mas’ul idoralar yo‘llarni ta’mirlashi kerakligini aytdi.
O‘zbekistonlik xonanda Yulduz Usmonova ijtimoiy tarmoqdagi sahifasida Samarqandda yetti tonna palov tarqatilishi fonida tirbandliklardan shikoyat qildi.
San’atkor Samarqanddagi xalqaro palov festivalida yetti tonna palov tayyorlash aksiyasi fonida tirbandliklardan norozi bo‘ldi. Uning so‘zlariga ko‘ra, bunday tadbirlar o‘tkazilgandan ko‘ra, mas’ul idoralar shahardagi yo‘llarni ta’mirlashi kerak edi.
“Mana azizlar, bir soat-u 20 daqiqadan beri turibmiz. Butun Samarqand hozir shu yerda. Yo‘llar to‘xtab qoldi, xaritalarda hamma narsa qizil. Ochlik boshlangan ko‘rinadi. Bir soat-u yigirma minutdan beri turibmiz. Yo‘llar puxta o‘ylanmagan bo‘lsa, bunga arziydimi? Hazillashyapsizmi? 7 tonna osh pishirgandan ko‘ra, yo‘lni ta’mirlashsa yaxshi bo‘lardi”, — dedi xonanda.
Eslatib o‘tamiz, 2025-yil 1-3-avgust kunlari Samarqandda ilk bor “Samarqand palovi” xalqaro festivali bo‘lib o‘tdi. Viloyatning eng yaxshi oshpazlari yetti tonna milliy taom tayyorlab, mehribonlik uylari, qariyalar uylari va internatlarga tarqatdi.
Izohlar