Yaponiyada kuchli zilziladan so‘ng yirik sunami kutilmoqda — video
Rasmiylar qirg‘oq bo‘yidagi bir nechta aholi punktlarini evakuatsiya qilish to‘g‘risida buyruq berdi.
Yaponiyada taxminan 33 kilometr chuqurlikda 7,2 magnitudali dengiz zilzilasidan so‘ng sunami xavfi e’lon qilindi, deb yozadi BILD.
Zilzila o‘chog‘i qirg‘oqdan taxminan 70 kilometr uzoqlikda bo‘lgan. Aomori prefekturasi atrofidagi hudud uchun sunami haqida ogohlantirish e’lon qilindi. NHK telekompaniyasi ma’lumotlariga ko‘ra, bosh vazir ofisida inqiroz guruhi tuzilgan. Rasmiylar qirg‘oq bo‘yidagi bir nechta aholi punktlarini evakuatsiya qilish to‘g‘risida buyruq berdi.
Yaponiya meteorologiya xizmati balandligi uch metrgacha bo‘lgan to‘lqinlar haqida ogohlantirmoqda.
Eslatib o‘tamiz, avvalroq O‘zbekistonda so‘nggi ikki kun ichida uchinchi zilzila sodir bo‘lgandi. Zilzilalar mamlakatning bir qancha hududlarida sezildi.
Izohlar