Toshkentdagi qushlar bozorida noyob Madagaskar lemurlari topildi — video
Hayvonlar tor qafaslarda ozuqasiz holda saqlab turilgan.
Toshkentdagi parranda bozorida xalqaro muhofazaga olingan noyob jonivor — lemurlar sotilgani aniqlandi. mas’ul idoralar hozircha holat yuzasidan izoh bermadi.
Ma’lumotlarga ko‘ra, noyob jonivorlar Qoraqamish ko‘chasidagi parranda bozoridan topilgan. Lemurlar tor qafaslarda saqlangan. Ma’lum qilinishicha, bu noyob va yo‘qolib borayotgan hayvonlar bo‘lib, ularning ko‘plab turlari xalqaro muhofazaga olingan. Ularni sotish va saqlash qonun bilan taqiqlangan.
Ilgari bu bozorda kichik qafaslarda o‘tirgan va qo‘rquvdan titrayotgan olmaxonlar sotilardi. Bu hayvonlarga nisbatan shafqatsiz munosabatda bo‘lish va yovvoyi turlarning noqonuniy savdosi davom etayotganidan dalolat beradi. Lemura saqlanadigan qafas ham juda kichik bo‘lib, hayvon ozuqa bilan ta’minlanmagan, — deyiladi xabarda.
Ekologlar, hayvonlar himoyachilari va befarq bo‘lmagan fuqarolar bunday noqonuniy savdoni to‘xtatish va mas’ul organlar tomonidan muntazam nazoratni ta’minlashni talab qilmoqda. Hodisa yuzasidan hozircha rasmiy izoh berilmagan.
Eslatib o‘tamiz, huquq-tartibot idoralari hayvonlarga nisbatan shafqatsiz munosabatda bo‘lgan o‘nlab o‘zbekistonliklarni jarimaga tortdi. Ayrim fuqarolar ma’muriy qamoq jazosiga ham hukm qilindi.
Izohlar