Toshkentda tanishini o‘ldirgan erkaklar yigirma yilga qamaldi
Sheriklar qarzni qaytarishni istamay, marhumning jasadini yashirgan, shundan so‘ng ulardan biri uni qidirishda ishtirok etishga “yordam bergan”.
Toshkentda 14 500 dollarni qaytarib bermaslik uchun tanishini o‘ldirgan ikki sherikka hukm o‘qildi, deb xabar bermoqda Millar dasturi.
Ma’lumotlarga ko‘ra, 44 va 39 yoshli erkaklar 14 500 dollar qarzini qaytarmaslik uchun tanishini o‘ldirishga qaror qilgan. Qotillikdan so‘ng huquqbuzarlar marhumning jasadini Matiz avtomobiliga ortishgan.
Sheriklaridan biri uni bir necha soat mashinada olib yurdi, keyin xilvat joyga olib borib tashladi. Ikkinchi sherigi esa jasadning qayerdaligini bilsa-da, marhumni qidirayotgan guruhga qo‘shilib, izlarni yo‘qotish uchun uni topishga yordam bergan.
Jinoyat ishlari bo‘yicha Shayxontohur tuman sudi erkaklarni Jinoyat kodeksining 97-moddasi (Qasddan odam o‘ldirish) 2-qismi “v”, “i”, “r” bandlari, 168-moddasi (Firibgarlik) 4-qismi “a” bandi, 169-moddasi (O‘g‘rilik) 3-qismi “a” bandi va 267-moddasi (Transport vositasini olib qochish) 2-qismi “b” bandi bilan aybdor deb topib, ularga nisbatan 20 yil muddatga ozodlikdan mahrum qilish jazosini tayinladi.
Avvalroq Toshkent viloyatida erkak homilador xotinini o‘ldirib, jasadini kanalga tashlab yuborgani haqida xabar berilgandi. Jinoyatchiga 18 yil qamoq jazosi tayinlandi.
Izohlar