Toshkentda “O‘rikzor” qurilish bozori yopildi
Savdo rastalarida elektr simlarida ko‘plab yong‘in xavfsizligi buzilishlari aniqlangan.
1-iyul kuni ijtimoiy tarmoqlarda “O‘rikzor” bozori chiroq o‘chgani sababli yopilgani haqida xabar tarqaldi. Poytaxt FVB va HET hodisaga izoh berdi.
Ma’lum bo‘lishicha, savdo pavilonlarida elektr simlarida ko‘plab yong‘in xavfsizligi buzilishlari aniqlangani sababli “O‘rikzor” qurilish bozori Stroy Gorod yopilgan. O‘rikzor bozorini yopish to‘g‘risidagi qaror Toshkent tumanlararo iqtisodiy sudi tomonidan qabul qilingan. Savdo majmuasi kamchiliklar bartaraf etilgandan so‘ng faoliyatini davom ettiradi.
Shu bilan birga, HET “O‘rikzor” bozorida avariya natijasida elektr ta’minoti uzilgani haqidagi ma’lumotni rad etdi.
“Bozor elektr energiyasi bilan barqaror ta’minlanmoqda va ishning to‘xtashi tadbirkorlarning 1-iyuldan beri duch kelayotgan ichki muammolari bilan bog‘liq. Bunga bozor ma’muriyati mas’ul”, — deyiladi xabarda.
Eslatib o‘tamiz, Toshkentdagi “Yunusobod” bozorida rekonstruksiya ishlari boshlangandi. Chora-tadbirlar sanitariya holatini yaxshilash, xavfsizlik, qulaylik va tartibni oshirishga qaratilgan.
Izohlar