Toshkentda mast haydovchi piyodani urib yubordi — video
Erkak mastlik bo‘yicha tekshiruvdan o‘tishni so‘ragan YPX xodimlariga baqirib, qarshilik ko‘rsatgan.
Toshkentda mast haydovchi piyodani urib yubordi va mastlik bo‘yicha tekshiruvdan o‘tishdan bosh tortdi, deb xabar beradi Millar.
Voqea Toshkent shahrining Sergeli tumanida sodir bo‘lgan. Spark’ning mast haydovchisi piyodani urib yuborgan, jabrlanuvchi shifoxonaga yotqizilgan. Voqea joyiga huquq-tartibot idoralari xodimlari yetib borib, haydovchini tibbiy ko‘rikdan o‘tkazish so‘ralgan joyga olib kelishgan.
Biroq erkak YPX xodimlariga qarshilik ko‘rsatib, janjal ko‘targan va mast emasligini, yo‘l-transport hodisasida piyodaning o‘zi aybdorligini aytib baqira boshlagan. Keyinroq tekshiruv haydovchining mast holatda bo‘lganini tasdiqladi. Ma’lum qilinishicha, erkak jazolangan, biroq qaysi modda bilan jazolangani ma’lum qilinmagan.
Eslatib o‘tamiz, Toshkentda Nexia haydovchisi Matiz bilan to‘qnashib, ayolni urib yuborgandi. Jabrlanuvchi jonlantirish bo‘limiga yotqizildi, tergov boshlandi.
Izohlar