Toshkentda mast erkak notanish ayolga tegajog‘lik qilib, besh sutkaga qamaldi
Ayblanuvchi notanish ayolning bo‘ynidan ushlab, zo‘rlab o‘pdi.
16-may kuni Toshkentda erkak ko‘chada ayolga tegajog‘lik qilib, besh sutkaga qamaldi, deyiladi sud qarorida.
Voqea soat 22:00 da “Saxovat” mahallasida sodir bo‘lgan. 33 yoshli mast erkak turar joy binosi yonidagi o‘rindiqda o‘tirgan notanish ayolga yaqinlashgan. Erkak ayolning bo‘ynidan ushlab, lablaridan o‘pdi. Sud ayblanuvchini Jinoyat kodeksining 41-moddasi 1-qismi (Shahvoniy shilqimlik) bilan aybdor deb topdi. Unga besh sutka qamoq jazosi berildi.
Eslatib o‘tamiz, Toshkentda mast yo‘lovchi styuardessaga tegajog‘lik qilib, uch sutkaga qamalgandi. Erkak samolyot salonida chekishga qaror qilgan, bort kuzatuvchisi qoidabuzarga buni tushuntirganida, u ayolning ko‘kragidan ushlagan. Sudda ayblanuvchi o‘z aybiga iqror bo‘lib, jinoyatni mast holda, ongsiz ravishda sodir etganini aytgan.
Izohlar