Toshkentda maktab o‘quvchisi Spark haydab, YPX xodimining mashinasiga urildi — video
Voyaga yetmagan haydovchi mashinadan davlat raqamini yechib olib, yuqori tezlikda harakatlanib, xavfli manyovrlarni amalga oshirgan.
12-sentyabr kuni ijtimoiy tarmoqlarda voyaga yetmagan haydovchi va YPX xodimi ishtirokida yirik YTH sodir bo‘lgani haqida xabar tarqaldi. YHXX hodisaga izoh berdi.
Ma’lum bo‘lishicha, YTH soat 00:45 da Toshkent shahar Chilonzor tumani Bunyodkor ko‘chasida sodir bo‘lgan. 2008 yilda tug‘ilgan, haydovchilik guvohnomasiga ega bo‘lmagan Spark haydovchisi davlat raqamlariga ega bo‘lmagan avtomobilni boshqargan. YPX avtomobili ag‘darilib ketgan, Spark esa daraxtga urilib, yonib ketgan. Guvohlarning so‘zlariga ko‘ra, voyaga yetmagan yigit ta’qibdan qochishga uringan.
Yigit harakat yo‘nalishini 3-qatordan 1-qatorga o‘zgartirib, Cho‘pon ota ko‘chasi tomon keskin o‘ngga burilgan va YPX xodimi boshqaruvidagi Lacetti xizmat avtomashinasi bilan to‘qnashgan. Avtomobil haydovchilariga birinchi shoshilinch tibbiy yordam ko‘rsatilgan. Og‘ir jarohatlar yo‘q. Tergov boshlandi.
Eslatib o‘tamiz, Toshkentda quturgan buqa kushxonadan qochib ketib, bir kishini jarohatlagan va YPX mashinasiga zarar yetkazgandi. Huquq-tartibot idoralari xodimlari atrofdagi odamlarga tahdid qilgani uchun hayvonni zararsizlantirishga majbur bo‘lishdi.
Izohlar