Toshkent viloyatida Qozog‘istonga qariyb bir milliard so‘mlik noqonuniy olib kirishga chek qo‘yildi
Tartib posbonlari pullarni maxsus “tashuvchilar” orqali kichik partiyalarda o‘tkazayotgan jinoyatchini qo‘lga oldi.
Toshkent viloyatida huquq-tartibot idoralari xodimlari qariyb 1 mlrd so‘m naqd xorijiy valyutaning Qozog‘istonga noqonuniy olib kirilishiga chek qo‘ydi, deb xabar bermoqda DXX matbuot xizmati.
Ma’lumotlarga ko‘ra, chet el valyutasini maxsus “tashuvchilar” orqali olib chiqib ketishga harakat qilingan. Xususan, maxsus operatsiya davomida tartib posbonlari Qozog‘istonga “tashuvchi”lardan biriga 5 million 622 ming rubl o‘tkazmoqchi bo‘lgan guruh rahbari — 30 yoshli erkakni qo‘lga olishga muvaffaq bo‘ldi. Gumonlanuvchi pullarni mayda-mayda qilib jo‘natgan.
Tadbir davomida huquq-tartibot idoralari xodimlari erkakning kvartirasi va mashinasida tintuv o‘tkazib, u yerdan yana 11 million 220 ming dollar, shuningdek, ushbu summaning dastlabki egalari ko‘rsatilgan yon daftarchasini topdilar. Tartib posbonlari tomonidan erkak qamoqqa olinib, unga nisbatan Jinoyat kodeksining 182-moddasi 2-qismi “a” bandi (juda ko‘p miqdorda bojxona qonunchiligini buzish) bilan jinoyat ishi qo‘zg‘atilgan. Hozirda tergov harakatlari olib borilmoqda.
Avvalroq Toshkent viloyatida milliardlab so‘mlik mablag‘larning xorijga chiqib ketishiga chek qo‘yilgani haqida xabar berilgan edi. Huquqbuzar chet el valyutasini bojxonadan olib o‘tishga uringan 34 nafar fuqaro o‘rtasida taqsimlab bergan.
Izohlar