Termizda ayol voyaga yetmagan o‘g‘lini rulga o‘tqazdi — video
Qoidabuzarlik maktab yaqinidagi kuzatuv kamerasi tomonidan qayd etilgan.
Surxondaryoda ayol voyaga yetmagan farzandini mashina ruliga o‘tqazib yubordi, deb xabar bermoqda YHXX matbuot xizmati.
Voqea Termiz shahrida sodir bo‘lgan. Ayol voyaga yetmagan farzandiga avtomobil boshqarishiga ruxsat bergan. Bu bolaning hayoti va atrofdagilarning xavfsizligini xavf ostiga qo‘ydi. Boshqarma ma’lumotlariga ko‘ra, viloyatdagi ta’lim muassasalarida kuzatuv kameralari ishlamoqda. Ular ota-onalarning bunday «tajribalari»ni qayd etishadi va qoidabuzarlar qonun oldida javob berishlari kerak.
Qonun o‘yinchoq emas. Ota-onalarning “maqtanish” istagi emas, balki haydovchilik huquqi bo‘lgandagina rulga o‘tirish mumkin, — deyiladi xabarda.
Eslatib o‘tamiz, Toshkentda maktab o‘quvchisi Spark rulida YPX xodimining mashinasiga borib urilgandi. Voyaga yetmagan haydovchi mashinadan davlat raqamini yechib olib, yuqori tezlikda harakatlanib, xavfli manyovrlarni amalga oshirgan.
Izohlar