Sirdaryo viloyatida yigit ikki o‘smirni urib ketib, o‘ldirdi
Haydovchi sakkiz yarim yillik qamoq jazosiga hukm qilindi.
“Zamon” dasturida xabar berilishicha, Sirdaryo viloyatida yigit maktabdan qaytayotgan ikki bolani urib o‘ldirdi.
Voqea Sardoba tumanida yuz bergan. Otasining mashinasini boshqarayotgan yigit Paxtobod — Yangiobod yo‘lida ruxsat etilgan tezlikdan deyarli ikki baravar yuqori — 118 km/soat tezlikda harakatlanayotgan edi. U oldinda ketayotgan mashinaga urilib ketmaslik uchun tezlikni yanada oshirib, rulni keskin burgan, natijada mashina yo‘l chetiga chiqib, u yerdan o‘tib ketayotgan o‘smirlarni urib yuborgan. Maktab o‘quvchilari olgan og‘ir jarohatlar oqibatida halok bo‘lishgan.
Sudda marhumlarning qonuniy vakillari ayblanuvchiga eng qattiq jazo berilishini talab qilishdi. Sud qarori bilan haydovchi 8 yil-u 6 oy muddatga ozodlikdan mahrum etildi hamda 3 yil mobaynida transport vositasini boshqarish huquqidan mahrum qilindi.
Bundan oldin Toshkentda mast haydovchi piyodani urib yuborgandi. Erkak mastlik bo‘yicha tekshiruvdan o‘tishni so‘ragan YPX xodimlariga baqirib, qarshilik ko‘rsatgan.
Izohlar