Samarqandda YPX xodimlari mast holda haydovchilik guvohnomasini olmagan skuter haydovchisini qo‘lga oldi — video
Fuqaroga nisbatan ma’muriy bayonnoma rasmiylashtirilib, transport vositasi jarima maydonchasiga joylashtirilgan.
Samarqand viloyatida YPX xodimlari mast holda haydovchilik guvohnomasiga ega bo‘lmagan skuter haydovchisini qo‘lga oldi, deb xabar bermoqda viloyat DYHXX matbuot xizmati.
Hodisa Jomboy tumanida sodir bo‘lgan. Huquq-tartibot idoralari xodimlari yonida haydovchilik guvohnomasi bo‘lmagan skuter haydovchisini to‘xtatdi. Bundan tashqari, YPX xodimlari erkakni spirtli ichimlik iste’mol qilganlikda gumon qilib, alkotester yordamida tekshirgan. Test mastlik holatini tasdiqladi.
Men ikki stakan pivo ichdim. Bunday qilish mumkin emasligini bilardim. Moped va skuter haydovchilariga haydovchilik guvohnomasisiz yurmaslikni maslahat beraman. Ichmayman, albatta, — dedi haydovchi.
YPX xodimlari tomonidan ushbu shaxsga nisbatan tegishli moddalar bilan ma’muriy bayonnomalar rasmiylashtirilgan. Transport vositasi jarima maydonchasiga yuborildi.
Avvalroq o‘zbekistonliklarga moped va skuter haydashda hujjatlar bo‘lishi kerakligi eslatib o‘tilgandi. Yangilik 1 oktyabrdan kuchga kirdi. Moped va skuterlarni boshqarishga ular davlat ro‘yxatidan o‘tkazilganidan keyin va «A» toifadagi haydovchilik guvohnomasi mavjud bo‘lgan taqdirdagina yo‘l qo‘yiladi.
Izohlar