Samarqandda yigit qizni mashinaga zo‘rlab o‘tqazmoqchi bo‘ldi
Huquq-tartibot idoralari xodimlari vaziyatni o‘rganib, ish qo‘zg‘atgan.
Samarqandda yigit qizni kuppa-kunduzi “Jiguli”ga zo‘rlab o‘tqazdi, deb xabar bermoqda IIB matbuot xizmati.
Ma’lumotlarga ko‘ra, sayr vaqtida 23 yoshli yigit va uning tanishi o‘rtasida janjal kelib chiqqan. U qizga mashinaga o‘tirishni taklif qildi, qiz rad etgach, uni majburan o‘tqazmoqchi bo‘ldi. Tergovga qadar tekshiruv davomida qiz unga nisbatan hech qanday e’tirozi yo‘qligini ma’lum qilgan.
Shunga qaramay, erkakka nisbatan 183-modda (Mayda bezorilik) bilan ma’muriy bayonnoma rasmiylashtirilib, qonuniy qaror qabul qilish uchun shahar sudiga yuborilgan.
Avvalroq Toshkentda maktab o‘qituvchisi voyaga yetmagan o‘quvchi qizga uylanmoqchi bo‘lgani haqida xabar berilgandi. Qizning oldiga sovchi jo‘natayotgan erkak uni ko‘chada do‘sti bilan ko‘rib qolib, telefonini tortib olib, mashinaga o‘tqazib qo‘ygan.
Izohlar