Samarqandda ota-onalar uch farzandini bo‘lisha olmadi: o‘g‘rilik kadrlari fuqarolarni xavotirga soldi
Viloyat IIB hodisa yuzasidan izoh berdi.
19-iyun kuni ijtimoiy tarmoqlarda Samarqandda noma’lum shaxslar uch nafar bolani o‘g‘irlab ketgani haqida xabar tarqaldi. Viloyat IIB holatga izoh berib, vaziyatga oydinlik kiritdi.
Idora ma’lumotlariga ko‘ra, ikki fuqaro 2014-yilda turmush qurgan va 2023-yilda ajrashishga qaror qilgan. Bu vaqt ichida ularning uchta farzandi bor edi, sud ajrashgandan keyin ularni onasiga topshirishni buyurdi. Biroq, ota sud talablarini bajarishdan bosh tortdi va bolalarni ayolga bermadi.
8-iyun kuni bolalarning onasi iltimosiga ko‘ra, akasi 2015 va 2016-yillarda tug‘ilgan jiyanlarini Nexia-2 avtomobilida Samarqand shahrining “Xo‘jaqishloq” mahallasi hududiga olib chiqib, singlisiga (bolalarning onasiga) topshirgan. Shundan so‘ng bolalarning otasi farzandlarini olib ketgan shaxslarga nisbatan qonunchilikka muvofiq chora ko‘rishni so‘rab ariza yozgan. Tergov harakatlari olib borilmoqda.
Eslatib o‘tamiz, Rossiyada o‘zbekistonlik voyaga yetmagan qizni o‘g‘irlab, zo‘rlagandi. Erkak 16 yilga qamaldi va 300 ming rubl tovon puli to‘lashga majbur bo‘lgan.
Izohlar