Samarqandda ayol maktab o‘quvchilarini farzandiga ta’zim qilishga majburladi – video

4 may kuni ijtimoiy tarmoqlarda Samarqanddagi talabalar yana bir talabaning oyog‘iga ta’zim qilib, kechirim so‘ragani haqida ma’lumot tarqaldi. Voqea yuzasidan viloyat UDXO izoh berdi .

Ma’lum bo‘lishicha, voqea 2024-yilning aprel oyida Samarqand viloyati Paxtachi tumanidagi 21-maktabda sodir bo‘lgan. Uch nafar o‘quvchi o‘rtasida mojaro kelib chiqqan, shundan so‘ng sinf rahbari, maktab psixologi va maktab direktori ikki o‘quvchini boshqa o‘quvchidan uzr so‘rash uchun uning uyiga jo‘natgan.

Bolalar yetib kelgach, jarohatlangan o‘quvchining onasi maktab o‘quvchilaridan farzandining oyog‘iga ta’zim qilishlarini talab qilgan. Ma`lum qilinishicha, onaga tegishli ma`muriy jazo qo’llanilgan.

Shuningdek, maktab direktori o‘rinbosari, sinf rahbari va maktab psixologiga nisbatan ham tegishli intizomiy jazo choralari qo‘llanildi. Maktab maʼmuriyati va hududiy profilaktika inspektori tomonidan oʻquvchilar va ota-onalar oʻrtasida shunga oʻxshash holatlar takrorlanmasligi uchun zarur tushuntirish ishlari olib borildi, deyiladi xabarda.

Eslatib o‘tamiz, Namanganda maktab o‘quvchisi otasining pulini o‘g‘irlab , Spark ijaraga olib, baxtsiz hodisaga uchragan edi. Bola avvalroq mashina haydab ketayotganida ushlangan, shundan so‘ng YPX xodimlari maktabda profilaktik suhbat o‘tkazgan.