Qaynota keliniga tegajog‘lik qilib, unga jinsiy a’zosini ko‘rsatdi va intim aloqaga chorladi

Qoraqalpog‘istonning Beruniy tumanida erkak keliniga tegajog‘lik qilib, unga jinsiy a’zosini ko‘rsatib, jinsiy aloqa qilishni taklif qildi, deb xabar bermoqda NeMolchi loyihasi.

Hodisa 27-avgust kuni sodir bo‘lgan. Qaynota mast holda keliniga jinsiy a’zosini ko‘rsatib, keliniga jinsiy aloqa qilishni taklif qilgan. Kelin huquq-tartibot idoralari xodimlarini chaqirgan, ular voqea joyiga yetib kelganida erkakning qarshiligiga duch kelgan: u jabrlanuvchiga baqirib, qattiq so‘kinayotgan bo‘lgan.

Ayol o‘z ko‘rsatmasida qaynotasining bunday xatti-harakati yagona hodisa emasligini aytgan. Ilgari u qizni bir necha bor kamsitgan va haqoratli so‘zlar bilan murojaat qilgan, ammo u eri bilan oilasini saqlab qolish uchun barchasiga chidagan.

Sudda erkak aybiga iqror bo‘lib, qilgan ishidan pushaymon bo‘lgan va boshqa bunday qilmaslikka va’da bergan. U o‘zining xatti-harakatlarini mastlik holati tufayli tushunmovchilik bilan oqladi.

5-sentyabr kuni jinoyat ishlari bo‘yicha Beruniy tuman sudi uni O‘zbekiston Respublikasi MJtKning 41-1-moddasi (Jinsiy tegajog‘lik), 183-moddasi (Mayda bezorilik) va 194-moddasi (Ichki ishlar organlari xodimining qonuniy talablarini bajarmaslik) da nazarda tutilgan huquqbuzarliklarni sodir etganlikda aybdor deb topib, unga 5 sutka ma’muriy qamoq jazosi tayinladi.

Ilgari xabar qilinganidek, Toshkentda bir yigit ayolga nisbatan tegajog‘lik qilgani uchun besh sutkaga qamoqqa olingan edi. Sudda ayblanuvchi “o‘z harakatlarini nazorat qila olmaganini” aytdi.