O‘zbekistonda poraxo‘r amaldorlarga qarshi reydlar o‘tkazildi
Barcha holatlar yuzasidan jinoiy ishlari qo‘zg‘atilgan.
O‘zbekistonning ikki viloyatida huquq-tartibot idoralari xodimlari tomonidan korrupsiyaga oid jinoyatlarga chek qo‘yildi, deb xabar bermoqda DXX matbuot xizmati.
Ma’lumotlarga ko‘ra, birinchi holat Andijon viloyatida qayd etilgan. U yerda Xonobod hokimi o‘rinbosari va muqaddam sudlangan spirtli ichimliklar savdosi bilan shug‘ullanuvchi korxona rahbari mahalliy tadbirkorga hokimlik balansidagi 4 gektar yerni alohida lot qilib auksionga chiqarishda yordam berishni va’da qilgan.
Bundan tashqari, erkaklar tadbirkorga 2 mlrd so‘mlik savdoda g‘olib chiqishini, shundan so‘ng uchastka uning nomiga rasmiylashtirilishini va’da qilishgan. Tadbirkor ushbu hududda matras, profnastil va bolalar tagliklari ishlab chiqarish korxonasini qurishni rejalashtirgan. Tartib posbonlari erkaklarni 20 ming dollar olayotgan vaqtda qo‘lga olishgan.
Ikkinchi holatda huquq-tartibot idoralari xodimlari Andijon tumani hokimining sobiq o‘rinbosari, Andijon shahar statistika bo‘limi boshlig‘i va yana ikki nafar fuqaroni qo‘lga oldi. Erkaklar 600 ming dollarga bolalar uchun mahsulot ishlab chiqarish sexini qurishni rejalashtirgan tadbirkorga “Ipak yo‘li” erkin iqtisodiy zonasi hududidan 6 gektar yerni auksion orqali berishni va’da qilgan.
Huquq-tartibot idoralari xodimlari erkaklarni so‘ralgan puldan 150 ming dollarni olgan vaqtida qo‘lga olgan. Bundan tashqari, tartib posbonlari ushbu hodisaga Raqobatni rivojlantirish va iste’molchilar huquqlarini himoya qilish qo‘mitasining Andijon viloyati hududiy boshqarmasi boshlig‘ining sobiq birinchi o‘rinbosari, hozirda xususiy bandlik agentligini boshqarayotgan shaxsning ham aloqadorligini aniqladi. Huquq-tartibot idoralari xodimlari aniqlashicha, avvalroq erkak bu masalada yordam bergani uchun tadbirkordan 11 ming dollar olgan.
Shuningdek, Toshkent viloyatida o‘tkazilgan tezkor tadbirda budjetdan tashqari Pensiya jamg‘armasi Ohangaron tuman bo‘limi boshlig‘i 1 500 AQSH dollari miqdorida pora olayotgan vaqtida ushlandi. Erkak mahalliy fuqaroga yo‘qolgan mehnat daftarchasini tiklash va unga yoshga doir pensiya tayinlashda yordam berishni va’da qilgan. Barcha holatlar bo‘yicha huquqni muhofaza qiluvchi organlar tomonidan tegishli moddalar bilan jinoyat ishlari qo‘zg‘atilgan.
Avvalroq O‘zbekistonda ikki nafar soliq inspektori pora bilan qo‘lga tushgani haqida xabar berilgandi. Ularga nisbatan bir necha moddalar bo‘yicha jinoiy ish qo‘zg‘atilgan.
Izohlar