O‘zbekistonda litsenziyasiz xizmatlar ko‘rsatuvchi xususiy klinikalar aniqlandi
Shuningdek, mutaxassislar tomonidan minglab qonunbuzilish holatlari aniqlangan.
O‘zbekistonda huquq-tartibot idoralari xodimlari xususiy klinikalar bo‘ylab reydlar o‘tkazib, qonunchilikni buzish, shuningdek, litsenziyasiz xizmatlar ko‘rsatish holatlarini aniqladi, deb xabar beradi Raqobatni rivojlantirish va iste’molchilar huquqlarini himoya qilish qo‘mitasi matbuot xizmati.
Ma’lumotlarga ko‘ra, idora xodimlari nodavlat notijorat tashkilotlari bilan hamkorlikda xususiy tibbiyot muassasalari faoliyatidagi qoidabuzarliklarni aniqlash bo‘yicha reydlar o‘tkazgan. Qayd etilishicha, mutaxassislar mamlakatda ro‘yxatdan o‘tgan 8486 ta xususiy klinikadan 7284 tasida tadqiqot o‘tkazgan.
Tekshiruvlar natijasida 2000 ta holatda ko‘rsatilgan manzil bo‘yicha haqiqiy faoliyat amalga oshirilmaganligi aniqlandi. Yana 4483 ta holatda klinikalar tomonidan xizmatlarning preyskurantlari taqdim etilmagan, 1460 ta holatda esa ma’lumotlar davlat tilida ko‘rsatilmagan. Shuningdek, aniqlangan 3428 holatda klinikalar tashqi reklamaga ega bo‘lgan, 235 holatda esa, aksincha, peshlavhalarga ega bo‘lmagan.
Shuningdek, NNT vakillari Samarqand viloyatidagi klinika, Surxondaryodagi yana 2 ta, Toshkentdagi 5 ta va Farg‘ona viloyatlaridagi bitta muassasa litsenziyaga ega bo‘lmagan xizmatlarni ko‘rsatayotganini aniqlashga muvaffaq bo‘lishdi. Natijada mutaxassislar tomonidan aniqlangan barcha holatlar bo‘yicha ma’lumotlar to‘planib, tegishli choralar ko‘rish uchun hujjatlar mas’ul idoralarga taqdim etildi.
Avvalroq O‘zbekistonda sifatsiz dori vositalari sotiladigan dorixonalarga reydlar o‘tkazilgani haqida xabar berilgandi. Natijada mutaxassislar xorijda ishlab chiqarilgan noqonuniy dori vositalarini sotgan sakkizta tashkilotni aniqladi.
Izohlar