O‘zbekistonda bukmekerlar reklamasi uchun o‘nlab saytlar bloklandi
Mas’ul idoralar tomonidan monitoring davom ettirilmoqda.
O‘zbekistonda bukmekerlik xizmatlarini reklama qiluvchi 70 ga yaqin veb-saytlar bloklandi, deya xabar berdi Raqobatni rivojlantirish va iste’molchilar huquqlarini himoya qilish qo‘mitasi matbuot xizmati.
Idoraning ma’lum qilishicha, yil boshidan buyon nazorat organiga bukmekerlik xizmatlarini targ‘ib qiluvchi 86 ta veb-sayt bloklangani haqida ma’lumotlar kelib tushgan. Natijada ularning 70 ga yaqini belgilangan tartibda bloklandi. Hozirda qo‘mita tomonidan mazkur yo‘nalishda tizimli monitoring ishlari davom ettirilmoqda.
Qayd etilishicha, saytlarni bloklash “Reklama to‘g‘risida”gi O‘zbekiston Respublikasi Qonunining 46-moddasiga muvofiq amalga oshiriladi, unga ko‘ra qimor va tavakkalchilikka asoslangan boshqa o‘yinlarni reklama qilish taqiqlanadi. Shuningdek, yanada samarali ishlash uchun idora tegishli tashkilotlar bilan hamkorlikni yo‘lga qo‘ydi.
Avvalroq bloger onlayn-kazinoni reklama qilgani uchun qo‘lga olingani xabar qilingandi. Yigit o‘zining Instagram akkauntida postlar qoldirgan.
Izohlar