Namanganda poyezd yengil avtomobilni urib yubordi: 6 kishi halok bo‘ldi
Gentra haydovchisi yaqinlashib kelayotgan poyezddan oldin temiryo‘lni kesib o‘tishga uringan.
13-sentyabr kuni Chortoq va Uychi (Namangan viloyati) bekatlari oralig‘idagi qo‘riqlanmaydigan o‘tish joyida yo‘lovchi poyezdi Gentra avtomobili bilan to‘qnashib ketgan. Salonda olti kishi — besh ayol va bir yosh bola bo‘lgan. Ularning barchasi voqea joyida halok bo‘ldi, deb xabar berdi “O‘zbekiston temir yo‘llari” axborot xizmati.
Dastlabki ma’lumotlarga ko‘ra, haydovchi yo‘l harakati qoidalarini qo‘pol ravishda buzgan va yaqinlashib kelayotgan tarkibning to‘g‘ridan-to‘g‘ri oldidan yo‘lni kesib o‘tishga uringan. Mashinistlar shoshilinch tormozlashni qo‘llagan, ammo fojiadan qochib qutula olmagan.
Temiryo‘l sostaviga ozgina shikast yetgan, xolos. Kompaniya hodisa yana bir bor elementar xavfsizlik me’yorlariga rioya qilmaslik muammosini keltirib chiqarayotganini ta’kidlab, haydovchilarni chorrahalarda juda ehtiyot bo‘lishga chaqirdi.
Izohlar