Namanganda oʻquvchi qiz Spark haydab, kanalga tushib ketdi, uning singlisi va onasi halok boʻldi

Ota qiziga rulni boshqarishni buyurdi, ammo u burilish paytida rulni boshqara olmadi.

23-mart kuni Namangan viloyatida erkak 16 yoshli qizini rulga oʻtqazib, kenja qizi va turmush oʻrtogʻidan ayrildi, deb xabar bermoqda viloyat YHXB matbuot xizmati.

Hodisa Uchqoʻrgʻon tumanida sodir boʻlgan. Erkak Spark mashinasi ruliga 16 yoshli qizini oʻtqazib, uning yoniga, old oʻrindiqqa oʻtirgan. Orqa oʻrindiqlarda xotini va 10 yoshli qizi oʻtirardi. Harakat davomida oʻspirin burilish vaqtida boshqaruvni yoʻqotib, avtomobil Andijon kanaliga tushib ketgan.

Oqibatda ayol va 10 yoshli qiz boʻgʻilishdan voqea joyida vafot etgan. Voyaga yetmagan haydovchi va uning otasi tan jarohatlari bilan shifoxonaga yotqizilgan. Tergov harakatlari olib borilmoqda.

NOVA24 Instagramʼda. Obuna boʻling
Asosiy yangiliklar va qiziqarli videolar