Jizzaxda tuman hokimi o‘rinbosari katta miqdorda pora bilan qo‘lga tushdi
Gumonlanuvchi tadbirkorga pul evaziga yer masalasini hal qilishga va’da bergan.
Jizzax viloyatida tuman hokimi o‘rinbosari katta miqdorda pora olganlikda gumonlanib qo‘lga olindi, deb xabar bermoqda DXX matbuot xizmati.
Voqea iyun oyida Forish tumanida sodir bo‘lgan. Gumonlanuvchi qishloq xo‘jaligi korxonasidan auksionda yutib olingan 204 gektar sug‘oriladigan yerdan foydalanish huquqini saqlab qolishda yordam berish evaziga 30 ming dollar talab qilgan. Amaldor yerni tuman zaxirasiga olishga va’da berdi.
Talab qilingan mablag‘ning 20 ming dollari darhol, qolgan 10 ming dollari esa hosil yig‘ib olingandan so‘ng berilishi kerak edi. Hokim o‘rinbosari poraning birinchi qismini olayotganda qo‘lga olindi. Mazkur holat yuzasidan Jinoyat kodeksining 168-moddasi 4-qismi “a” bandi (juda ko‘p miqdorda firibgarlik) va 211-moddasi 3-qismi “a” bandi (juda ko‘p miqdorda pora olish) bilan jinoyat ishi qo‘zg‘atilgan.
Erkak qo‘lga olinib, hibsga olingan. U 10 yilgacha ozodlikdan mahrum etilishi mumkin. Tergov boshlandi.
Eslatib o‘tamiz, Qashqadaryo va Marg‘ilonda amaldorlar katta miqdorda pora bilan qo‘lga tushgandi. Jinoyat ishlari qo‘zg‘atilgan.
Izohlar