Farg‘ona viloyatida ikkita noqonuniy diniy maktab yopildi
Muassasalarning rahbarlari yetarli ma’lumotga va litsenziyaga ega bo‘lmagan erkaklar bo‘lgan.
DXX huquqni muhofaza qiluvchi organlar bilan birgalikda Farg‘ona viloyatida noqonuniy diniy ta’lim maktabini aniqladi.
Ma’lumotlarga ko‘ra, darslar xususiy uylarda antisanitariya sharoitida va tegishli ruxsatnomalarsiz o‘tkazilgan. Rishton tumanida yashovchi fuqaroning uyida noqonuniy uy diniy maktabi tashkil etilib, u yerda o‘n nafar voyaga yetmaganlarga din asoslari o‘rgatilgan. Ular orasida Rishton va Oltiariq tumanlaridan 6 yoshdan 10 yoshgacha bo‘lgan bolalar bor.
Muassasani tegishli diniy ma’lumotga va litsenziyaga ega bo‘lmagan erkak boshqargan. Bolalarning ota-onalaridan har oyda 500-600 ming so‘m miqdorida to‘lov undirgan.
Bog‘dod tumanida o‘tkazilgan tezkor tadbirlar davomida yana bir 56 yoshli erkak qo‘lga olindi. Shuningdek, u voyaga yetmaganlar bilan diniy mashg‘ulotlarni – ruxsatsiz va pul evaziga tashkil qilgan. Ikkala holatda ham bolalar yetarlicha parvarish qilinmasdan, diqqinafas va tor xonalarda saqlangan.
Avvalroq O‘zbekistonda noqonuniy diniy ta’lim yacheykalari yana fosh etilgani haqida xabar berilgan edi. Bir holatda «o‘qituvchi» bolani muntazam ravishda kaltaklagan, shu sababli u kasalxonaga yotqizilgan.
Izohlar