DXX xodimlari Tojikistondan katta miqdorda giyohvand moddalar olib kelgan kontrabandistni qo‘lga oldi
Erkak 15 yilga ozodlikdan mahrum etildi.
DXX xodimlari Tojikistondan O‘zbekistonga 16 kg giyohvandlik moddasini olib kirgan erkakni qo‘lga oldi, deb xabar bermoqda xizmat.
Hodisa 2024-yil 12-noyabr kuni Namangan viloyati Pop tumanida sodir bo‘lgan. Huquq-tartibot idoralari xodimlari Lacetti avtomobilini to‘xtatib, tintuv o‘tkazgan. Farg‘ona viloyati Dang‘ara tumanidan bo‘lgan yo‘lovchiga tegishli bo‘lgan yo‘l sumkasida 3 kg 887 gr “opiy” va 9 kg 839 gr “gashish” giyohvandlik vositalari borligi aniqlanib, olib qo‘yilgan.
Ma’lum bo‘lishicha, u Tojikiston fuqarosi bilan til biriktirib, qo‘shni davlatdan giyohvand moddalarni noqonuniy olib kelib, pul ishlashni rejalashtirgan. Tovarni u Toshkent viloyatining Bo‘stonliq tumanidan olgan. Bundan tashqari, 2024-yilning avgust va sentyabr oylarida tojikistonlik narkosavdogar Bo‘stonliq tumaniga 1 kg 902 gramm opiy va 857 gramm gashish olib kelgan.
Ayblanuvchi moddalarni Dang‘ara tumaniga yashirgan. Shuningdek, “Makarov” to‘pponchasi, ikkita o‘qdon va 18 dona patron topib olingan. Fuqaro Jinoyat kodeksining 246-28-moddasi (Kontrabanda) 1 va 2-qismlari hamda 273-25-moddasi (Giyohvandlik vositalari, ularning analoglari yoki psixotrop moddalarni o‘tkazish maqsadini ko‘zlab qonunga xilof ravishda tayyorlash, olish, saqlash va boshqa harakatlar qilish, xuddi shuningdek ularni o‘tkazish) bilan aybdor deb topildi. U 15 yilga ozodlikdan mahrum etildi.
Eslatib o‘tamiz, O‘zbekistonga 27 kilogramm giyohvand modda olib kirishning oldi olingandi. Tartib posbonlari olti nafar kontrabandistni qo‘lga olgan.
Izohlar