Andijonda turar joy binosi yonib ketdi — video
Jabrlanganlar yo‘q.
29-iyun kuni ijtimoiy tarmoqlarda Andijondagi yong‘in videosi tarqaldi. Viloyat FVB hodisa yuzasidan izoh berdi.
Ma’lum bo‘lishicha, voqea soat 15:30 da Andijon shahrining «Chem» mahallasida sodir bo‘lgan. Viloyat Favqulodda vaziyatlar boshqarmasiga turar joy binosida yong‘in sodir bo‘layotgani haqida xabar kelib tushgan. Voqea joyiga yong‘in-qutqaruv texnikalari soat 15:37 da yetib borib, yong‘in soat 15:54 da o‘chirilgan. Yong‘in oqibatida turar joyning tom qismi va uy jihozlari yongan. Hech kim jabrlanmagan.
Eslatib o‘tamiz, Toshkentda yo‘lovchi avtobusi to‘g‘ridan-to‘g‘ri harakatlanayotganda tutun chiqargandi. Haydovchi o‘z vaqtida o‘t o‘chirgichdan foydalangan va yong‘inning oldini olishga muvaffaq bo‘lgan. Hozirda barcha nosozliklar bartaraf etilib, avtobus belgilangan yo‘nalish bo‘yicha yana soz holatda harakatlanmoqda.
Izohlar