Andijonda Nexia haydovchisi yo‘l harakati qoidalarini buzib, Captiva`ni urib yubordi
Huquq-tartibot idoralari avariya fakti bo‘yicha tergov boshladi.
18-oktyabr kuni Andijon viloyatida Captiva va Nexia-2 avtomobillari ishtirokida yo‘l-transport hodisasi sodir bo‘ldi, deya xabar berdi viloyat YHXB matbuot xizmati.
Hodisa soat 22:45 atrofida Xo‘jaobod tumani Mustaqillikning 27 yilligi mahallasida, A-373 xalqaro avtomobil yo‘lining 455 km.da sodir bo‘lgan. Nexia-2 haydovchisi tartibga solingan chorrahadan chapga burilish vaqtida yo‘l bermagan va qarama-qarshi yo‘nalishda harakatlanib kelayotgan Captiva bilan to‘qnashib, YTH sodir etgan.
Tan jarohati olganlar yo‘q, transport vositalariga texnik shikast yetgan. Holat yuzasidan huquq-tartibot idoralari tomonidan surishtiruv ishlari boshlangan.
Eslatib o‘tamiz, Toshkentda Matiz va Dongfeng avtomobillari ishtirokida yirik YTH sodir bo‘lgandi. Zarba kuchidan daraxt qulab tushgan, haydovchilarga birinchi tibbiy yordam ko‘rsatilgan.
Izohlar