Andijonda ikki qavatli uy yonib ketdi — video
O‘chirish uchun qutqaruvchilar deyarli bir soat vaqt sarflashdi.
Andijonda 2-dekabr kuni tunda turar joy binosida yong‘in sodir bo‘ldi, deb xabar bermoqda viloyat FVB matbuot xizmati.
Soat 22:33 da Andijon tumani “Qurama” MFYdagi ikki qavatli uyda yong‘in sodir bo‘layotgani to‘g‘risida “112” xizmatiga xabar kelib tushgan. Voqea joyiga 4 ta yong‘in-qutqaruv ekipaji soat 22:44 da yetib borgan. Yong‘in besh daqiqadan so‘ng — 22:49 da o‘rab olinib, soat 23:30 da to‘liq bartaraf etilgan.
Hodisa oqibatida uyning orayopmalari, tom qismi va mol-mulkining bir qismi yonib zararlangan. Yong‘in sabablari va yetkazilgan zarar miqdori aniqlanmoqda. Jabrlanganlar haqida ma’lumot kelib tushmagan.
Eslatib o‘tamiz, Toshkentdagi Shimoliy vokzal yerosti tunnelida avtomobil yonib ketgandi. Jabrlanganlar yo‘q.
Izohlar