9 mln dollar mablag‘ni talon-toroj qilgan o‘zbekistonlik Rossiyada ushlandi
Erkak paxta yetishtirish uchun katta miqdorda kredit olib, uni qaytarmaslikka qaror qilib, chet elga qochib ketgan.
Moskvada Interpol xodimlari 9 million dollar o‘g‘irlagani uchun qidiruvda bo‘lgan O‘zbekiston fuqarosini qo‘lga oldi va deportatsiya qildi, deb xabar bermoqda Interpolning O‘zbekiston matbuot xizmati.
Rossiya Ichki ishlar vazirligi vakili Irina Volkning so‘zlariga ko‘ra, erkak tijorat firmasi rahbari lavozimida ishlagan. U paxta yetishtirish uchun bankdan 9 million dollar kredit oldi. 20 million dollarga yaqin foyda olgan tadbirkor pulni qaytarmay, chet elga qochib ketgan.
Keyinchalik Interpol erkakning Rossiyaga kelishi mumkinligi haqida ma’lumot oldi. Qidiruvda bo‘lgan shaxs Vnukovo aeroportida qo‘lga olindi, shundan so‘ng u O‘zbekistonga qaytarildi.
Muvaffaqiyatli qo‘shma operatsiya Rossiya va O‘zbekiston Interpol Milliy markaziy byurolarining yaxshi muvofiqlashtirilgan o‘zaro hamkorligi natijasidir, dedi Irina Volk.
Eslatib oʻtamiz, Oʻzbekistonda Tashqi mehnat migratsiyasi masalalari agentligining sobiq rahbari ozodlikka chiqarilgan va oqlangan. Erkak jinoiy guruh tuzib, fuqarolardan 14,4 milliard so‘m pul o‘g‘irlaganlikda ayblangan.
Izohlar