Turkiyada vatandoshini o‘ldirgan o‘zbekistonlik umrbod qamoqqa hukm qilindi
Jinoyatchi ayolni pichoqlab o‘ldirgan, shundan so‘ng uning sumkasi bilan voqea joyidan qochib ketgan, buning uchun sud unga yana olti yil qamoq jazosini tayinlagan.
Turkiyada o‘z vatandoshini pichoqlab o‘ldirgan, so‘ngra uning sumkasini o‘g‘irlab, voqea joyidan qochib ketgan o‘zbekistonlikka hukm o‘qildi.
Ma’lumotlarga ko‘ra, voqea 18-aprel kuni Pendik tumani Qaynarja mahallasida sodir bo‘lgan. 47 yoshli erkak va uning 47 yoshli turmush o‘rtog‘i o‘rtasida janjal kelib chiqqan, erkak uni yerto‘laga olib kirmoqchi bo‘lgan. Huquqbuzar ayolga bir necha marta pichoq bilan zarba bergan, shundan so‘ng uning sumkasini o‘g‘irlab, yashiringan. Biroz vaqt o‘tgach, huquq-tartibot idoralari erkakni qo‘lga olishga muvaffaq bo‘ldi.
Sudda o‘zbekistonlik aybiga iqror bo‘ldi va o‘z vatanida 80 yoshli onasi borligini, unga g‘amxo‘rlik qilishini aytib, jazoni yengillashtirishni so‘radi. Natijada erkak qasddan odam o‘ldirishda aybdor deb topilib, unga nisbatan umrbod ozodlikdan mahrum qilish jazosi tayinlandi. Bundan tashqari, sud ayolning sumkasini o‘g‘irlashni o‘g‘irlik deb baholadi, buning uchun erkak yana 6 yilga ozodlikdan mahrum etildi.
Avvalroq Turkiyada tungi klubda odamlarni otib tashlagani uchun o‘zbekistonlikka umrbod qamoq jazosi tayinlangani xabar qilingandi. Erkak 39 kishini o‘ldirgani va 79 kishini o‘ldirishga suiqasd qilgani uchun sudlangan.
Izohlar