Tramp “Alkatras”ni qayta tiklamoqchi

AQSH prezidenti Shtatlar qamoqxonalari byurosiga maktub yo‘lladi. Donald Tramp Alkatras orolidagi qamoqxonani dunyodagi eng xavfli jinoyatchilar uchun qayta ochmoqchi bo‘ldi. Bu haqda u Truth Social ijtimoiy tarmog‘ida ma’lum qildi.

Uning so‘zlariga ko‘ra, AQSH “jiddiyroq mamlakat bo‘lganida”, o‘sha paytda Shtatlarda eng xavfli jinoyatchilarni hech ikkilanmasdan qamoqqa olishgan va ular zarar yetkazishi mumkin bo‘lganlardan uzoqroq saqlashgan.

Shunday bo‘lishi kerak. Ko‘chalarimizda yovuzlik, qon to‘kish va boshboshdoqlik urug‘ini sochayotgan bunday ketma-ket jinoyatchilarga ortiq toqat qilolmaymiz. Aynan shuning uchun men bugun Qamoqxonalar byurosiga Adliya vazirligi, Federal qidiruv byurosi va Ichki xavfsizlik vazirligi bilan birgalikda Amerikaning eng shafqatsiz va shafqatsiz jinoyatchilarini saqlash uchun sezilarli darajada kengaytirilgan va qayta qurilgan “Alkatras” qamoqxonasini qayta ochishni topshiraman, — dedi AQSH prezidenti.

Donald Tramp qamoqxonalarni qayta jonlantirib, ularni qonun, tartib va adolat ramziga aylantirmoqchi.

“Alkatras” orolda 1934-yilda San-Fransisko ko‘rfazida ilgari istehkom vazifasini bajargan va harbiy qamoqxona sifatida xizmat qilgan bir nechta binolarda paydo bo‘lgan. 1963-yilda qamoqxona saqlash xarajatlari juda yuqori bo‘lgani uchun yopildi. Shundan so‘ng “Alkatras” sayyohlar maskaniga aylantirildi. Shundan so‘ng “Alkatras” sayyohlar maskaniga aylantirildi.

Avvalroq AQSH yana Oyga boshqariladigan parvozni yo‘lga qo‘ymoqchi ekani xabar qilingandi. Inson oyog‘i oxirgi marta Yerning yo‘ldoshlariga bundan yarim asrdan ko‘proq vaqt muqaddam qadam qo‘ygan edi.