“Tolibon” Alisher Navoiy uchun yangi haykal qurishni boshladi
Eski yodgorlik buzib tashlandi, diplomatlar aralashuvidan so‘ng esa u buyuk mutafakkirga munosib emasligi aytildi.
Afg‘onistonda Alisher Navoiyning yangi haykalini qurish loyihasini ishga tushirishga bag‘ishlangan tadbir bo‘lib o‘tdi, deb xabar bermoqda O‘zbekiston TIV matbuot xizmati.
Ma’lumotlarga ko‘ra, tantanali marosim Mozori Sharifda bo‘lib o‘tgan. Tadbirda shahar hokimi, tegishli tuzilmalar rahbarlari, TIVning Afg‘oniston shimolidagi vakolatxonasi rahbari, shuningdek, O‘zbekiston Bosh konsulxonasining mahalliy xodimlari ishtirok etdi.
Yig‘ilganlar bo‘lajak loyihaning dastlabki g‘ishtlarini tantanali ravishda qo‘yib, mahalliy hokimiyat vakillari bilan birgalikda duo qildi.
Ta’kidlash joizki, O‘zbekiston bilan chegaradosh Balx viloyati poytaxtidagi yodgorlik mahalliy Tolibon hukumati tomonidan “buyuk mutafakkir va shoir xotirasiga yetarlicha munosib bo‘lmagani uchun yanada ulug‘vor yodgorlik majmuasini qurishga majbur bo‘lgani” sababli buzib tashlangan.
Shu bilan birga, ma’lum bo‘lishicha, buzilish na Afg‘oniston Madaniyat va axborot vazirligi, na keng jamoatchilik bilan kelishilmagan. O‘zbekiston Tashqi ishlar vazirligi hodisadan so‘ng “mazkur holat yuzasidan tushuntirish olish uchun Afg‘oniston hukumati vakillari bilan darhol bog‘landi”.
Avvalroq toliblar to‘rt yildan so‘ng o‘zlarini Afg‘onistondagi hokimiyat deb tan olgan edi. Amir vazirlarga “vazifasini bajaruvchi” maqomidan voz kechishga buyruq berdi, bu esa hukumatni rasman vaqtinchalik qildi. Xalqaro hamjamiyat mamlakatning barcha aholisini aks ettiradigan va ayollar huquqlarini himoya qiladigan inklyuziv hukumat tuzishni talab qildi.
Izohlar