TIV Rossiyadagi o‘zbekistonliklarga ogohlantirish bilan chiqdi
Vatandoshlar hujjatlarni tez va arzon rasmiylashtirishni taklif qilayotgan firibgarlarning hiylalariga aldanib qolmaslikka chaqirildi.
Firibgarlar Rossiyadagi mehnat muhojirlariga kerakli hujjatlarni tez va arzon rasmiylashtirishni taklif qila boshladi. Mamlakat TIV vatandoshlarni hushyorlikka chaqirdi.
O‘zbekistonning Qozon shahridagi Bosh konsulxonasi vatanga qaytish to‘g‘risida o‘zbekistonlik nomiga rasmiylashtirilgan qalbaki guvohnoma olishga urinishning oldini oldi. Shuningdek, bolaning tug‘ilganlik to‘g‘risidagi hujjatlarini rasmiylashtirishda soxta nikoh guvohnomasini taqdim etish holati ham qayd etilgan.
Firibgarlik va noxush vaziyatlarning oldini olish maqsadida Rossiya hududida bo‘lib turgan O‘zbekiston fuqarolaridan hujjatlarni vositachilarsiz va faqat vakolatli davlat organlari — konsulliklar, elchixonalar va FHDY organlarida rasmiylashtirish so‘ralmoqda.
Izohlar