Saudiya Arabistoniga umra ziyoratiga har qanday viza bilan borish mumkin bo‘ladi
Mamlakat rasmiylari yangi chora ziyoratchilar sonini oshirishga yordam berishini rejalashtirmoqda.
Saudiya Arabistoni Haj va Umra ishlari vazirligi har qanday turdagi viza bilan Umra ziyoratini amalga oshirish uchun mamlakatga kirishga ruxsat berdi.
Vazirlik ma’lumotlariga ko‘ra, yangi qoidaga ko‘ra, fuqarolar mamlakatga kirish uchun har qanday turdagi: turistik, ishbilarmonlik, oilaviy, tranzit va ishchi vizalardan foydalanishlari mumkin. Qayd etilishicha, bu ziyoratchilar uchun tartibni soddalashtirishi kerak.
Vazirlikning ta’kidlashicha, yangi chora Vision 2030 milliy dasturi doirasida diniy turizmni rivojlantirish bo‘yicha kengroq strategiyaning bir qismi bo‘lib, ekspertlarning fikriga ko‘ra, ziyoratchilar sonining ko‘payishiga olib kelishi kutilmoqda. Shu bilan birga, xohlovchilar kichik hajni amalga oshirish uchun tegishli xizmatlar to‘plamini o‘z ichiga olgan maxsus umra vizasini ham rasmiylashtirishlari mumkin.
Avvalroq o‘zbekistonlik ziyoratchilar uchun yagona raqamli portal ishlab chiqilishi haqida xabar berilgandi. Platforma prezident farmoni bilan yaratiladi.
Izohlar