Sankt-Peterburgdagi o‘zbekistonliklar migratsiya markazidagi qiyinchiliklardan shikoyat qildi
Mehnat migratsiyasi agentligi holat yuzasidan izoh berdi.
Sankt-Peterburgdagi o‘zbekistonliklar migratsiya markazidagi uzun navbatlar va qiyinchiliklardan shikoyat qilishdi. Mehnat migratsiyasi agentligi holatga izoh berdi.
Ijtimoiy tarmoqlarda Sankt-Peterburgdagi migratsiya markazlaridan birida olingan video tarqaldi. Video muallifining so‘zlariga ko‘ra, vaziyat ancha murakkab: odamlar 5 kundan beri navbatda turishiga to‘g‘ri kelmoqda, kutishda esa ko‘chada tunab qolishmoqda. Markazda ishchi oynalar kam, xalq oqimi esa ko‘p.
O‘zbekiston Mehnat migratsiyasi agentligi holatni o‘rganish uchun voqea joyiga borganini ma’lum qildi. Mutaxassislarning so‘zlariga ko‘ra, markaz xodimlari shtat rejimida ishlamoqda va muammo ariza beruvchilarning navbatga rioya qilmagani, shuningdek, patent olish uchun to‘liq bo‘lmagan hujjatlar to‘plamini taqdim etgani sababli yuzaga kelgan. Xavfsizlikni ta’minlash uchun temir panjaralar o‘rnatilgan, ammo kimniki ekaniga aniqlik kiritilmagan.
Joylarda fuqarolar bilan markazning ish tartibi va hujjatlarni rasmiylashtirish tartibi haqida tushuntirish suhbatlari o‘tkazildi.
Izohlar