Rossiyada o‘smirlar kamerada osiyolik yigitni kaltaklab, haqorat qildi
O‘zbekiston Bosh konsulxonasi vaziyatni nazoratga olgan va jabrlanuvchining shaxsini aniqlamoqda.
Ijtimoiy tarmoqlarda Novosibirskda o‘smirlar osiyolik yigitni kaltaklagani va haqorat qilgani aks etgan video tarqaldi. O‘zbekiston Bosh konsulxonasi jabrlanuvchining shaxsini aniqlamoqda.
Videodagi kadrlarga ko‘ra, o‘smirlar voyaga yetmagan shaxsga hujum qilib, kaltaklagan, uni tiz cho‘kishga va “kelib chiqishi uchun” kechirim so‘rashga majburlagan. Bularning barchasi milliy asosda haqorat qilish bilan birga sodir bo‘ldi.
Ayni paytda Novosibirsk viloyati politsiyasi tekshiruv boshlagan va hujum ishtirokchilarini aniqlamoqda. Jabrlanuvchining millati va fuqaroligi ham aniqlashtirilmoqda. Diplomatlar huquqni muhofaza qilish organlariga sodir bo‘lgan voqea va o‘smirning shaxsi haqida to‘liq ma’lumot berishni so‘rab so‘rov yubordi.
Konsullik vaziyat alohida nazoratga olinganini ta’kidlab, OAVni rasmiy ma’lumotlar paydo bo‘lmaguncha tekshirilmagan ma’lumotlarni e’lon qilmaslikka chaqirdi.
Izohlar