Rossiyada migrantlar uchun rus tili bo‘yicha testlar murakkablashtirildi
Imtihon topshiriqlari bankini ham bosqichma-bosqich kengaytirish rejalashtirilgan.
Rossiyada migrantlar uchun rus tili bo‘yicha imtihon talablari kuchaytiriladi, deb xabar bermoqda RIA Novosti Rosobrnadzorga tayanib.
Ma’lumotlarga ko‘ra, o‘zgarishlar 2025 yil 10 iyuldan kuchga kiradi. Xususan, mutaxassislar “Tinglab tushunish” blokidagi topshiriqlar sonini ikki barobarga oshirishni rejalashtirmoqda. Shuningdek, ballarning minimal chegarasi kiritiladi, agar ular to‘planmasa, imtihon topshirilmagan hisoblanadi.
Bundan tashqari, topshiriqlar banki ikki baravar ko‘payadi, bu esa, ishlab chiquvchilarning fikriga ko‘ra, imtihonni yanada xilma-xil va obyektiv qilishi kerak. Shuningdek, ushbu chora-tadbirlar Rossiyada yashash va ishlashni rejalashtirayotgan xorijliklarning rus tilini bilish darajasini oshirishga qaratilgan.
Qayd etilishicha, rus tili bo‘yicha imtihon ishlash uchun patent, vaqtincha yashash uchun ruxsatnoma, yashash uchun ruxsatnoma va Rossiya Federatsiyasi fuqaroligini olish uchun majburiy shart hisoblanadi, shu munosabat bilan test tizimidagi har qanday o‘zgarishlar yuz minglab muhojirlarning manfaatlariga bevosita ta’sir qiladi.
Avvalroq, Rossiyaga eng ko‘p o‘zbekistonlik migrantlar kelishi haqida xabar berilgandi. Ularning yarmi Rossiya Federatsiyasiga ishlash uchun kelishadi.
Izohlar