Koreya va Markaziy Osiyoning beshta davlati birinchi sammiti qoldirildi
Bunga Seuldagi ichki siyosiy vaziyat va ishtirokchi mamlakatlarning ish jadvallari sabab bo‘lgan.
2025-yilga rejalashtirilgan Koreya va Markaziy Osiyoning beshta davlati o‘rtasidagi birinchi sammit kelasi yilga qoldirildi, deb xabar bermoqda Koreya Respublikasi tashqi ishlar vazirining birinchi o‘rinbosari Pak Yun Chju.
Ma’lumotlarga ko‘ra, ko‘chirish sabablari Seuldagi ichki siyosiy vaziyatlar va ishtirokchi mamlakatlarning ish jadvallari bilan bog‘liq.
Dastlab, sammit bo‘yicha tegishli kelishuvga 2024-yil yozida Janubiy Koreyaning o‘sha paytdagi prezidenti Yun Sok Yolning mintaqaning uchta davlatiga tashrifidan so‘ng erishilgandi.
“Biz barcha holatlarni o‘rganib chiqdik, ammo bu yil o‘zaro maqbul vaqtni taklif qilish qiyin bo‘ldi”, — deya tushuntirdi tashqi ishlar vaziri o‘rinbosari.
Avvalroq Janubiy Koreya Toshkentdan Andijonga pullik yo‘l qurishda yordam berishi mumkinligi xabar qilingandi. Ikki mamlakat vakillari O‘zbekistonda sun’iy intellektga asoslangan Koreya texnologiyalarini joriy etish imkoniyatlarini muhokama qilgan.
Izohlar