Hindistonning aholi yashovchi hududda yo‘lovchi samolyoti halokatga uchradi — video

Hindistonda 12-iyun kuni bortida ikki yuzdan ortiq yo‘lovchi bo‘lishi mumkin bo‘lgan yo‘lovchi samolyoti halokatga uchradi.

Dastlabki ma’lumotlarga ko‘ra, Londonga yo‘l olgan kema parvozdan so‘ng Ahmadobod aeroporti yaqinidagi turar joy hududida halokatga uchragan.

Voqea joyidan olingan kadrlarda quyuq tutunni ko‘rish mumkin, halokat joyida qutqaruvchilar ishlamoqda. News18 ma’lumotlariga ko‘ra, bortda 250 ga yaqin odam bo‘lgan, ulardan 12 nafari ekipaj a’zolari. Halok bo‘lganlar va yaradorlar haqidagi ma’lumotlar aniqlashtirilmoqda.

Air India kompaniyasi Ahmadoboddan Londonga uchayotgan AI171 reysi halokatga uchraganini tasdiqladi. Aviakompaniya vaziyatni o‘rganib chiqqach, voqea tafsilotlari haqida qo‘shimcha ma’lumot beradi, mahalliy politsiya ma’lumotlariga ko‘ra, omon qolganlar bor.

Eslatib o‘tamiz, Hindistonning Uttar-Pradesh shtati hukumati boshqaruvidagi King Air C90 samolyoti ham 2018-yil iyunida Mumbayda halokatga uchragandi. Halokat guvohlarining aytishicha, uchuvchi samolyotni turar-joy mavzelaridan uzoqlashtirishga uringan, biroq buning uddasidan chiqa olmagan.

Mavzuga doir: Janubiy Koreyada samolyot qulab tushdi: bir necha kishi mo‘jiza tufayli qutqarib qolindi Boeing 737-800 samolyoti qo‘nish vaqtida shassisi ishdan chiqqan, bortda 175 nafar yo‘lovchi bo‘lgan.