Bosh konsulxona Istanbulda bo‘lib turgan o‘zbekistonliklarga murojaat qildi
Fuqarolar norozilik namoyishlari bo‘lib o‘tayotgan joylarga bormaslikka chaqirildi.
O‘zbekiston Bosh konsulxonasi ma’lumotlariga ko‘ra, shu kunlarda Istanbulda norozilik namoyishlari bo‘lib o‘tmoqda.
Xavfsizlik chorasi sifatida Turkiya hukumati 11 sentyabrgacha oltita tumanda, jumladan, Beshiktosh tumanida (bosh konsulxona joylashgan) ommaviy tadbirlarni o‘tkazishni vaqtincha taqiqladi.
Shuningdek, xorijiy messenjerlardan foydalanishda vaqtinchalik cheklovlar joriy etildi.
O‘zbekiston fuqarolariga odamlar gavjum joylarga, aksiya o‘tkaziladigan hududlarga bormaslik, shuningdek, mahalliy tartib-qoidalarga qat’iy rioya qilish tavsiya etiladi.
Favqulodda vaziyatlarda fuqarolarga Bosh konsulxonaning quyidagi raqamiga murojaat qilish tavsiya etiladi: +90 (212) 909 08 04.
Izohlar