AQShda Green Card 2027 ro‘yxatdan o‘tkazilishining kechikish sabablari tushuntirildi
O‘zgarishlar ariza berish muddatiga ta’sir qilmaydi.
AQSH Davlat departamenti 2026-yilda ro‘yxatdan o‘tkazishning boshlanishi kechikayotganiga qaramay, Green Card lotereyasiga ariza topshirish muddatlari o‘zgarishsiz qolishini ma’lum qildi.
Vazirlik Green Card lotereyasida ishtirok etish uchun ro‘yxatdan o‘tish boshlanadigan sanani, shuningdek, tanlov natijalari paydo bo‘ladigan sanani imkon qadar tezroq ma’lum qilishga va’da berdi. Qayd etilishicha, Departament tomonidan arizalarni qabul qilish jarayoniga ba’zi o‘zgartirishlar kiritilmoqda, bu esa kechikishga sabab bo‘lgan.
Shu bilan birga, mutaxassislar bu o‘zgarishlar lotereyada ishtirok etish uchun tanlangan shaxslar uchun viza olish uchun ariza topshirish muddatiga ta’sir qilmasligiga ishontirdi. Shunday qilib, muddatlar o‘zgarishsiz qoladi: Green Card lotereyasi 2026-yil 1-oktyabrdan 2027-yil 30-sentyabrgacha davom etadi.
Avvalroq o‘zbekistonliklarga Grin Kard olish bo‘yicha bitta maslahat berilgani haqida xabar berilgandi. AQSH elchixonasi suhbatdan o‘tish uchun hujjatlarni qanday to‘g‘ri rasmiylashtirish kerakligini tushuntirdi.
Izohlar