AQShda 19 mamlakatdan immigratsiya arizalarini ko‘rib chiqish to‘xtatildi — ro‘yxat
Davlatlar ro‘yxatiga Markaziy Osiyodan ham respublika kiritilgan.
AQSH prezidenti ma’muriyati Fuqarolik va immigratsiya xizmati memorandumidan kelib chiqib, milliy xavfsizlikka tahdid soladi deb hisoblagan 19 mamlakat fuqarolarining immigratsiya arizalarini ko‘rib chiqishni to‘xtatdi.
Ro‘yxatga Afg‘oniston, Myanma, Chad, Kongo Respublikasi, Ekvatorial Gvineya, Eritreya, Gaiti, Eron, Liviya, Somali, Sudan, Yaman, Burundi, Kuba, Laos, Serra-Leone, Togo, Turkmaniston va Venesuela kiritilgan.
Yangi chora yuqorida sanab o‘tilgan mamlakatlarda tug‘ilgan yoki uning fuqarosi bo‘lgan barchaga taalluqlidir. Ariza beruvchilar milliy xavfsizlikka barcha tahdidlarni to‘liq baholash uchun ehtimoliy suhbat va, zarur bo‘lsa, takroriy suhbatni o‘z ichiga olgan batafsil qayta tekshiruv jarayonidan o‘tishlari kerak.
AQSH hukumati, shuningdek, boshpana berish va deportatsiyani chet el fuqarosining fuqaroligidan qat’i nazar to‘xtatish to‘g‘risidagi barcha arizalarni ko‘rib chiqishni to‘xtatdi — har tomonlama tekshiruv yakunlanmaguncha. AQSH Fuqarolik va immigratsiya xizmati xodimlariga immigratsiya imtiyozlari uchun allaqachon tasdiqlangan arizalarni har tomonlama qayta ko‘rib chiqish buyurildi.
Avvalroq AQSH Oq uy yaqinida afg‘onistonlik harbiylarga hujum qilganidan keyin noqonuniy odamlarni deportatsiya qilishni kuchaytirishi haqida xabar berilgandi. Donald Trampning aytishicha, rasmiylar Bayden davrida AQShga kelgan barcha Afg‘oniston fuqarolarini tekshiradi.
Izohlar