Buxoro va Navoiy shaharlari tezyurar temir yo‘l orqali bog‘lanadi
Xitoylik hamkorlar manyovr tarkiblari parkini yangilashga yordam beradi.
2025-yil oxirigacha O‘zbekistonda Navoiy—Buxoro yangi temir yo‘li quriladi, deb xabar berdi “O‘zbekiston temir yo‘llari” boshqaruvi raisi Zufar Narzullayev.
Ma’lumotlarga ko‘ra, shu vaqt ichida mutaxassislar Nukus—Miskin uchastkasini elektrlashtirish, Toshkent—Parkent temir yo‘li qurilishini yakunlash va 1-sentyabrgacha Toshkent—Urgut uchastkasini qurishni ham rejalashtirmoqda.
Qayd etilishicha, 91 foiz eskirgan manyovr teplovozlari parkining tang holatini bartaraf etish maqsadida Xitoyning CRRC kompaniyasi bilan 50 ta yangi teplovoz yetkazib berish bo‘yicha shartnoma imzolash rejalashtirilgan. Mutaxassislar 2025-yildayoq milliy temir yo‘l operatori sakkizta teplovoz va to‘rtta elektrovoz olishini rejalashtirmoqda.
Avvalroq O‘zbekiston va Rossiya Afg‘oniston orqali temir yo‘lni loyihalashtirishi ma’lum qilingandi. Yo‘nalish rasmiy Toshkent uchun noyob imkoniyat taqdim etishi mumkin.
Izohlar